Siguria e librave tuaja është pjesë e dizajnit të LlogariPro, jo një shtesë. Më poshtë masat kryesore teknike dhe organizative.
Përditësuar më 6 shtator 2026 · LlogariPro · KONSULENCE.AL
I gjithë trafiku kalon vetëm përmes HTTPS (TLS) me certifikata të vlefshme; lidhjet e paenkriptuara ridrejtohen. Cookies e sesionit janë Secure dhe HttpOnly.
Fjalëkalime të hash-uara me bcrypt, verifikim me dy hapa (TOTP) me kode rezervë njëpërdorimshe, hyrje me Google dhe Microsoft (OAuth 2.0), kufizim i tentativave të hyrjes dhe mbrojtje nga brute-force.
Çdo përdorues ka rol për çdo kompani: administrator, kontabilist ose vetëm-lexim. Zyrat e kontabilitetit ftojnë anëtarët e ekipit me email dhe i heqin me një klik.
Çelësat API ruhen vetëm si hash, shfaqen të plotë një herë të vetme, kanë të drejta të kufizuara (lexim, shkrim, import) dhe çaktivizohen menjëherë. Çdo përdorim regjistrohet.
Serverë të fortësuar me firewall, akses vetëm me çelësa SSH, përditësime të rregullta sigurie dhe monitorim. Aplikacioni ekzekutohet i izoluar në kontejnerë.
Kopje rezervë ditore me ruajtje 30-ditore, të ruajtura veçmas nga serveri i aplikacionit. Dokumentet e ngarkuara ruhen të veçuara për çdo kompani.
Çdo veprim kontabilizohet me parti dyfishe dhe nuk pranohet i pabalancuar. Veprimet mbajnë burimin (faturë, bankë, pagë, API) dhe lidhen me dokumentin origjinal.
Gjetët një dobësi sigurie? Na shkruani menjëherë në kontakt@konsulence.al. Trajtojmë raportimet me prioritet dhe konfidencialitet.